Félagið

enseble-001

Bandalag atvinnuleikhópa (BAAL) var stofnað árið 1985 af forsvarsmönnum sex sjálfstæðra leikhópa. Aðalmarkmið bandalagsins var að vinna að lausn á húsnæðisvanda sjálfstæðra leikhópa og að berjast fyrir bættu starfsumhverfi þeirra. Nú tuttugu og þremur árum síðar starfar bandalagið eftir sömu forsendum þrátt fyrir að nafninu hafi verið breytt í Sjálfstæðu leikhúsin, bandalag atvinnuleikhópa (SL). Í dag eru 51 leikhópur á skrá hjá SL og spannar hann breytt svið sviðslistanna. Hóparnir vinna allir eftir eigin listrænni stefnu og hefur íslensk leikritun, barnaverk, frumsköpun og tilraunastarfsemi verið í hávegum höfð. Auk þess sem sjálfstæðir leikhópar hafa verið öflugir í útrás íslenskrar sviðslistar.

SL styður síbreytilega starfsemi atvinnuleikhópanna svo þeir geti svarað kalli samtímans með því að bregðast skjótt við samfélagslegum áskorunum og verið sívirk og frjó kvika í listalífinu. Til að geta vænst listrænnar þróunar þarf að búa sviðslistastarfsemi skilyrði til þroska sem byggja á víðtækum rannsóknum og tilraunum á formi sviðslistanna. Frelsi og sköpunarmáttur sviðslista felst í fjárhagslegu sjálfstæði starfseminnar sem er undirstaða þess að atvinnuleikhóparnir geti starfað af samfélagslegri ábyrgð, framsýni og listrænum metnaði.

Árið 2004 réð SL til sín framkvæmdastjóra og starfrækir skrifstofu þar sem hægt er að nálgast upplýsingar um starf leikhópanna og SL auk þess sem leikhópar geta fengið aðstoð við umsóknargerð, fjármögnunarleiðir og margt fleira.

SL stofnaði dótturfélagið Menningarfélagið Tjarnarbíó til reksturs Tjarnarbíó fyrir Reykjavíkurborg og hefur haft frumkvæði að endurreisn leikhússins fyrir sjálfstæða leikhópa. Tjarnarbíó var opnað aftur 1. október 2010 eftir gagngerar endurbætur.  www.tjarnarbio.is

SL er aðili að Sviðslistasambandi Íslands, Leikminjasafni, IETM (alþjóðlegt tengslanet sviðslista) og EAIPA (European Association of Inpendent Performing Arts)

STEFNUMÓTUN SL2011-2020

ssl_logo



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Þjóðleikhúsið auglýsir eftir samstarfsverkefnum

Þjóðleikhúsið auglýsir eftir hugmyndum að leiksýningum sem settar yrðu upp í samstarfi leikhússins við leikhópa eða aðra aðila leikárið 2021-2022, í samræmi við 6....

Borgarleikhúsið auglýsir eftir samstarfsverkefnum fyrir leikárið 2021-2022
Mynd er frá samstarfssýningunni Er ég mamma mín?

Á hverju leikári býður Borgarleikhúsið a.m.k. tvo sjáfstæða leikhópa velkomna til samstarfs. Verkefni sjálfstæðu leikhópanna eru valin...

OPIÐ FYRIR UMSÓKNIR LEIKÁRIÐ 2021-2022 – SAMSTARFSVERKEFNI OG VINNUSTOFUR

Tjarnarbíó kallar eftir umsóknum um samstarfsverkefni á komandi leikári. Öll sviðsverk koma til greina. Þau verk sem verða fyrir valinu mynda saman leikárið 21/22...