Tjarnarbíó í samvinnu við Reykjavík Dance Festival heldur þriðju útgáfuna af sviðslistahátíðinni Vorblót dagana 2. Apríl – 5. Apríl.  

Við leitum að tilbúnum verkum til að sýna á hátíðinni.  Verkin mega hafa breiða skírskotun í samtímadans eða verk unnin af danshöfundum eða dönsurum.

Tjarnarbíó og Dansverkstæðið munu bjóða upp á æfingarými vikuna fyrir hátíðina eftir því sem aðstæður leyfa.  Tjarnarbíó er “black box” leikhús og stærð á sviðsgólfi er uþb 9 m. á breidd x 11 m. á dýpt. Leikhúsið er vel búið ljósum og hljóðbúnaði en samt sem áður leitum við eftir einfaldri umgjörð þar sem tími til skiptinga er naumur.  Verk sem gerast annarsstaðar þ.e. Site-Specific koma einnig til greina.

Gert er ráð fyrir að velja 3 – 5 verk til sýninga.

Hátíðin greiðir ekki laun fyrir verkið en listamenn fá hagstæðan hlut af miðasölutekjum.  Tjarnarbíó og Reykjavík Dance Festival munu kynna verkin á sínum miðlum og sjá alfarið um markaðssetningu og skipulag hátíðarinnar.

Umsóknarfrestur er til miðnættis 14. Febrúar.  Í umsókn skal koma fram greinargóð lýsing á verkinu, myndir eða video ef þau eru til.  Umsóknum skal skilað á netfangið umsokn@tjarnarbio.is merkt í subject:  Vorblot2020 [nafn listamanns/hóps] [nafn verks]