Category: Frettir


Ávarp á Alþjóðlega leiklistardeginum 27. mars 2017

Posted by leikhopar1 in Frettir. No Comments

27th March

Ávarp á Alþjóðlega leiklistardeginum 27. mars 2017 eftir Isabelle Huppert, France

Jæja, hérna erum við þá enn einu sinni saman komin að vori fimmtíu og fimm árum frá því við héldum fyrst upp á Alþjóðlega leiklistardaginn. Bara einn dagur, 24 klukkustundir tileinkaðar leikhúsinu um allan heim: Nō-leikhúsinu og Bunraku, Pekingóperunni og Kathakali. Við flögrum á milli Grikklands og Norðurlanda, í faðmi Æskílosar eða Ibsen, Sófóklesar eða Strindbergs. Á milli Bretlands og Ítalíu, Söruh Kane og Pirandello. Og meira að segja í Frakklandi, þar sem við erum þessa stundina í París, heimsborginni sem laðar til sín leikhópa ýmissa landa til að heiðra leiklistina. Innan þessara 24 klukkustunda förum við frá Frakklandi til Rússlands, frá Racine og Moliere til Tsjékhovs. Við getum jafnvel þverað Atlantshafið alla leið til Kaliforníu til að lokka unga nemendur til að skapa sér nafn í leikhúsinu.

Leiklistin  er lifandi … Read More »



Nordisk Kulturfond og Nordisk Kulturkontakt

Posted by leikhopar1 in Frettir. No Comments

8th February

Hér er að finna nýja glærukynningu á Nordisk Kulturfond og Nordisk Kulturkontakt frá Ásu Richardsdóttur verkefnasendiherra Norræna Menningarsjóðsins.

Kynning-Norrænir-sjóðir-Febrúar-2017-Ása-Richardsdóttir



Inntökupróf Drama Studio London

Posted by leikhopar1 in Frettir. No Comments

25th January

Einn af fremstu leiklistarskólum Bretlands, Drama Studio London, mun halda áheyrnarprufur í Reykjavík 11 febrúar næstkomandi. Sótt er um skólavist á vefsíðu skólans www.dramastudiolondon.co.uk, en þar er einnig að finna allar helstu upplýsingar. Þess má geta til gamans að við skólann lærðu td. Emily Watson og Forest Whitaker.



Inntökupróf í Rose Bruford

Posted by leikhopar1 in Frettir. No Comments

24th January

Rose Bruford, sem er alþjóðlegur leiklistarháskóli í London, mun halda inntökupróf og viðtöl fyrir allar deildir í Hinu Húsinu, Reykjavík dagana 18. og 19. mars 2017.

Nánari upplýsingar og skráning með tölvupósti á: international@bruford.ac.uk og í síma: +44(0)20 8308 2638

Námið hefst í október 2017.

Rose Bruford hefur verið valinn besti leiklistarháskóli Bretlands í skoðanakönnun nemenda nokkur ár í röð.



Leikhópurinn Lotta leitar að leikurum

Posted by leikhopar1 in Frettir. No Comments

18th January

 

Leikhópurinn Lotta leitar að tveimur leikurum, karli og konu, til að taka þátt í sýningu sumarsins.

Æfingar hefjast 1. apríl og frumsýnt verður þann 24. maí. Sýnt er á nánast hverjum degi út ágústmánuð en allir leikarar fá um það bil þriggja vikna sumarfrí á tímabilinu. Mikilvægt er að viðkomandi hafi menntun og/eða mikla reynslu af sviðslistum og sé vanur/vön að koma fram en sýningar Lottu eru sýndar fyrir yfir 20.000 manns ár hvert. Þá setjum við skilyrðu um sjálfstæði í vinnubrögðum, auk þess sem viðkomandi þarf að eiga gott með að vinna í hóp. Í sýningum hópsins er einnig mikið af lögum og því er gerð krafa um að leikarar geti sungið.

Leikhópurinn Lotta hefur verið starfræktur frá árinu 2007 og hefur á tímabilinu sett upp 10 stórar leiksýningar. Sýndar eru um 100 sýningar yfir sumarið á um 50 stöðum á … Read More »



Samstarfsverkefni í Tjarnarbíó 2017 / 2018

Posted by leikhopar1 in Frettir. No Comments

18th January

Samstarfsverkefni í Tjarnarbíó  2017/18

Á hverju leikári veitir Tjarnarbíó leikhópum fría æfingaaðstöðu og hagstæða leigu fyrir sýningar. Upplýsingar um valferlið má kynna sér á tjarnarbio.is, undir Um Tjarnarbíó og Val á verkefnum.

Einnig auglýsir Tjarnarbíó eftir listafólki eða hópum sem hefur áhuga á að vera með vinnustofur (residency) í Tjarnarbíói.
Þeir fá til afnota minni rými í húsinu til að vinna í, aðgang að sviðinu þegar það er laust, og skrifstofuaðstöðu með öðrum. Skilyrði er að listafólk í vinnustofum sé tilbúnið að vinna fyrir
opnum dyrum og kynni verkefni sitt og framgang þess reglulega fyrir gestum hússins. Upplýsingar um valferlið má kynna sér á tjarnarbio.is, undir Um Tjarnarbíó og Val á verkefnum.

Umsóknir og fyrirspurnir skal senda á tjarnarbio@tjarnarbio.is. Umsóknarfrestur er til 20. febrúar 2017.



Samstarfsverkefni í Borgarleikhúsinu 2017 / 2018

Posted by leikhopar1 in Frettir. No Comments

15th January

Samstarfsverkefni í Borgarleikhúsinu 2017 / 2018

Borgarleikhúsið hýsir á hverju ári a.m.k. tvö verkefni sjálfstæðra leikhópa. Verkefnin eru valin í samvinnu við borgaryfirvöld og stjórn Sjálfstæðu leikhúsanna (SL).  Samkvæmt samkomulagi Leikfélags Reykjavíkur og Reykjavíkurborgar skal Leikfélag Reykjavíkur “tryggja hið minnsta tveimur öðrum leikflokkum afnot af húsnæði í Borgarleikhúsinu til æfinga og sýninga eins verkefnis á hverju ári. Leikflokkarnir skulu hafa endurgjaldslaus afnot af húsnæði en greiða útlagðan kostnað L.R. vegna vinnu þeirra í Borgarleikhúsinu.”

Samkvæmt ofangreindu er hér með auglýst eftir umsóknum leikhópa vegna leikársins 2017 – 2018.

Með umsókn skal senda greinargerð um verkefnið þar sem greint er skilmerkilega frá því, aðstandendum þess, framkvæmdaraðilum, listrænum stjórnendum og þátttakendum öllum. Jafnframt ætti vönduð fjárhagsáætlun að fylgja með.

Umsóknir berist leikhússtjóra Borgarleikhússins, Listabraut 3, 103 Reykjavík eigi síðar en kl. 16 miðvikudaginn 1. febrúar 2017.  Einnig er hægt að senda inn umsókn með tölvupósti, merktum “Samstarf … Read More »



Aðalfundur Menningarfélagsins Tjarnarbíó (MTB)

Posted by leikhopar1 in Frettir. No Comments

20th September

Aðalfundur MTB

Menningarfélagið Tjarnarbíó (MTB) boðar til aðalfundar þriðjudaginn 27. september kl. 20.00 í Tjarnarbíói.

Dagskrá aðalfundarins:
a) Skýrsla stjórnar
b) Reikningar félagsins
c) Lög félagsins
d) Kosningar
e) Önnur mál

Tinna Hrafnsdóttir, Hallfríður Þóra Tryggvadóttir og Hjörtu Jóhann Jónsson ganga úr stjórn en Hannes Óli Ágústsson gefur kost á sér aftur. Því er leitað til félagsmanna SL um að gefa kost á sér í stjórn MTB. Allir skuldlausir félagar í SL geta boðið sig fram til setu í stjórn fyrir utan stjórnarmenn í SL.

Barinn verður opinn og líflegar umræður eftir fundinn.



Styrkir til atvinnuleikhópa 2017

Posted by leikhopar1 in Frettir. No Comments

8th September

Styrkir til atvinnuleikhópa

Leiklistarráð auglýsir eftir umsóknum um styrki til starfsemi atvinnuleikhópa á árinu 2017. Umsóknarfrestur er til 30. september kl. 17:00.

Leiklistarráð auglýsir eftir umsóknum um styrki til starfsemi atvinnuleikhópa á árinu 2017. Veittir eru styrkir til einstakra verkefna eða gerðir starfssamningar til lengri tíma.

Umsóknarfrestur er til 30. september 2016 kl. 17:00.

Umsóknum skal skilað rafrænt,upplýsingar og aðgangur að rafrænu umsóknarkerfi hér.

Einungis er tekið við rafrænum fylgigögnum með umsókn.

Umsókn í atvinnuleikhópa getur einnig gilt sem umsókn til Listamannalauna sé merkt við þar til gerðan reit í umsóknarformi.

Leiklistarráð gerir tillögu til mennta- og menningarmálaráðuneytisins um úthlutun fjár sem veitt er í fjárlögum til stuðnings atvinnuleikhópum, sbr. leiklistarlög nr. 138/1998. Nánari upplýsingar veitir Ragnhildur Zoëga á skrifstofu Rannís.



Viðmiðunartölur frá FÍL 2016

Posted by leikhopar1 in Frettir. No Comments

8th September

Viðmiðunartölur launa- og verkgreiðslna vegna umsókna til Leiklistarráðs 2016

Viðmiðunartölur frá FÍL í PDF skjali

 

Athugið að í þessum viðmiðunartölum er gengið út frá því að um heilskvöldssýningu fyrir fullorðna sé að ræða. Við sýningar sem eru minni að umgangi er hægt að nota þennan grunn sem útgangspunkt.

Lögð er áhersla á að miðað sé við listamannalaun sem lágmarksgreiðsla en þau eru 351.400 á mán. í verktakagreiðslu.

Við útreikning á verktakaálagi þá er það +35%

Ef laun eru lægri en listamannalaun verður að fylgja með útskýring eða skriflegir samningar við listamenn til staðfestingar á að viðkomandi samþykki lægri laun.

Varðandi vinnu annara en listamanna er mikilvægt að reiknað sé með markaðslaunum eins og þau eru á hverjum tíma.  T.d. kostar smiður að lágmarki 7000.- kr. á tímann en EKKI 1500.- kr.

 

Leikarar, söngvarar og listdansarar

 

Fyrir vinnu framlag þessara listamanna skal miða við að lágmarki listamannalaun.  Byrjunarlaun … Read More »



Aðalfundur SL 2016

Posted by leikhopar1 in Frettir. No Comments

29th May

Kæru félagar

Aðalfundur SL verður haldinn þriðjudaginn 31. maí kl. 18 í Tjarnarbíó.

Dagskrá:

1. Skýrsla stjórnar

2. Reikningar bandalagsins

3. Lagabreytingar

4. Kosning stjórnar og formanns (þegar það á við)

5. Ákvörðun félagsgjalds

6. Önnur mál

Kjósa þarf 5 aðila í stjórn SL, formann, tvo meðstjórnendur og tvo varamenn. Í lögum félagsins kemur eftirfarandi fram:
Stjórn bandalagsins skal kosin á aðalfundi til tveggja ára í senn. Skal hún skipuð fimm einstaklingum ásamt tveim til vara. Formaður skal kosinn sérstaklega, að öðru leyti skiptir stjórnin með sér verkum. Á hverjum aðalfundi skulu ávallt 1-3 stjórnarmeðlimir ganga úr stjórn og nýjir kjörnir í þeirra stað. Engir tveir stjórnarmenn mega koma frá sama hóp/hátíð

Minnum á greiðsluseðla í heimabanka en eins og segir í lögum: Hver fullgildur aðili að SL hefur atkvæðisrétt sem nemur einu atkvæði á fundum bandalagsins. Fullgildur aðili telst hver sá sem greitt hefur félagsgjald SL fyrir aðalfund.

 



Áheyrnarprufur Drama Studio London

Posted by leikhopar1 in Frettir. No Comments

19th April

Einn af fremstu leiklistarskólum Bretlands, “Drama Studio London” mun halda áheyrnarprufur í Reykjavík 21. maí. Sótt er um á vefsíðu skólans www.dramastudiolondon.co.uk, en fyrirspurnum svarar skrifstofustjóri skólans, Nicola Windridge – nicolawindrigde@dramastudiolondon.co.uk. Einnig er hægt að fá upplýsingar hjá Margréti Kristínu Sigurðardóttur – fabula@itn.is, en Margrét lærði við Drama Studio London.



RDF og LÓKAL auglýsa eftir “site-specific” verkum !

Posted by leikhopar1 in Frettir. No Comments

23rd March

RDF og LÓKAL auglýsa eftir “site-specific” verkum !

LÓKAL OG RDF slá saman í annað sinn í allsherjar sviðslistahátíð næstkomandi ágúst undir  yfirskriftinni Everybody ́s Spectacular.

Áhersla hátíðarinnar snýr að þróun sviðslistanna og myndun tengsla við nýja áhorfendur. Hátíðin hyggst setja borgina og íbúa hennar í öndvegi og fjalla um þær áskoranir sem glímt er við í þéttbýlinu á 21. öld. Með verkefninu verður tekist á við brýn pólitísk og þjóðfélagsleg málefni og leitað spennandi leiða til þess að ný og metnaðarfull verkefni verði til í samskiptum sviðslistafólks og almennings. Unnið verður út frá aðstæðum hverju sinni og sviðsett rými skapað fyrir gagnrýna umræðu – með aðferðir sviðslistanna að leiðarljósi.

SKÓLAVÖRÐUHOLT

Sumarið 2016 hefjum við leika í gamla austurbænum í Reykjavík. Austurbæjarskóli,
Hallgrímskirkja, Barónsstígur, Njálsgata og Grettisgata (Drekasvæðið) verður þá sérstakur vettvangur hátíðarinanr. Laugardaginn 27. ágúst verður haldin hverfishátíð þar sem gestum og gangandi gefst … Read More »



INDIA THEATRE PROGRAMME

Posted by leikhopar1 in Frettir. No Comments

23rd March

DEADLINE EXTENSION – INDIA THEATRE PROGRAMME

In response to requests from applicants, the submission deadline for applications to the India Theatre Programme has been extended to 30 April 2016.

Do note, the applications are being considered on a  rolling basis. The decision on the application  will be conveyed within five working days from the date we receive the application. Keeping this in mind, we strongly urge applicants to send in their applications at the earliest to give you enough time for travel and other personal arrangements.

If you have any queries, please feel free to email us on itpcoordinator@thedramaschoolmumbai.in. We look forward to receiving your applications.

For further information about the application process, please look through our website

http://thedramaschoolmumbai.in/skills/india-theatre-programme/

The India Theatre Programme

2nd July – 31st July 2016

Pondicherry, India

Application Deadline – 30 April 2016

 

The Drama School, Mumbai invites applications from theatre makers, actors, dancers and performance artists for … Read More »



Norræn menningarhátíð í Southbank 2017

Posted by leikhopar1 in Frettir. No Comments

2nd March

Southbank Centre í London kallar eftir hugmyndum og verkefnum vegna Norrænnar menningarhátíðar 2017

Working with the three key themes of children and young people, gender equality and sustainability we will present the following festivals throughout 2017.

Children and Young People 

1. Imagine – demonstrating that all children flourish if they have the chance to explore their imagination. February 2017
2. WHY What’s Happening for the Young? – making children’s rights matter. October 2017
3. Strive – providing the opportunity for creative young people to build their professional future. July 2017

Gender Equality 

4. Women of the World – celebrating the potential of girls and women, and confronting the causes of inequality. March 2017
5. Being a Man – addressing the challenges and pressures of masculine identity. November 2017

Sustainability 

6. Festival of Love – advancing the philosophy that Love is the most effective method of making good changes in the … Read More »



TJARNARBÍÓ AUGLÝSIR EFTIR SAMSTARFSVERKEFNUM FYRIR LEIKÁRIÐ 2016-2017

Posted by leikhopar1 in Frettir. No Comments

5th February

Á hverju leikári veitir Tjarnarbíó a.m.k. 4-6 leikhópum fría æfingaaðstöðu og hagstæða leigu fyrir sýningar. Upplýsingar um valferlið má kynna sér á tjarnarbio.is, undir Um Tjarnarbíó og Val á verkefnum.

Einnig auglýsir Tjarnarbíó eftir listafólki eða hópum sem hefur áhuga á að vera með vinnustofur (residency) í Tjarnarbíói frá og með 15. apríl 2016.

Þeir fá til afnota minni rými í húsinu til að vinna í, aðgang að sviðinu þegar það er laust, og skrifstofuaðstöðu með öðrum. Skilyrði er að listafólk í vinnustofum sé tilbúnið að vinna fyrir

opnum dyrum og kynni verkefni sitt og framgang þess reglulega fyrir gestum hússins. Upplýsingar um valferlið má kynna sér á tjarnarbio.is, undir Um Tjarnarbíó og Val á verkefnum.

Umsóknir og fyrirspurnir skal senda á tjarnarbio@tjarnarbio.is. Umsóknarfrestur er til 1. mars 2016.



Uppsprettan auglýsir eftir handritum

Posted by leikhopar1 in Frettir. No Comments

19th January

Uppsprettan auglýsir eftir handritum

Við hjá Uppsprettunni erum að leita eftir handritum sem aldrei hafa verið flutt á sviði áður. Þau mega vera mest 1.120 orð að lengd, eða 1.120 orða heilsteypt atriði. Einleikir eru ekki leyfilegir. Engar aðrar kröfur eru gerðar. Athugið að ef handritið fer langt framúr þessum orðafjölda verður það dæmt ógilt.

Búið er að mynda nefnd af reyndu leikhúsfólki sem mun lesa handritin og velja svo úr þau þrjú handrit sem þeim þykir best, sem verða þá sett upp af Uppsprettunni á í Tjarnarbíói mánudaginn 14. mars næstkomandi. Handritin verða send til þeirra án þess að höfundar verði nafngreindir, en hinsvegar verða höfundar verkanna þriggja, sem valin verða, nafngreindir á sýningarkvöldinu og á fésbókarsíðu Uppsprettunnar.

Leikstjórarnir fá handritin í hendurnar u.þ.b. sólarhring fyrir frumflutning, og fá þá einnig að vita hvaða rými þeir eru að vinna með og hvaða … Read More »



Úthlutun menningarstyrkja Reykjavíkur 2016

Posted by leikhopar1 in Frettir. No Comments

19th January

Alls fengu 29 sviðslistahópar menningarstyrki frá Borgarsjóði auk þess að sviðslistahátíðarnar Lókal og RDF fengu 3 milljóna styrk næstu 3 árin.  Samtök um danshús fengu 2 milljónir næstu tvö árin.

Alls runnu 17,5 milljónir til sviðslista 2016.

 

Yfirlit yfir styrkveitingar til sviðslista frá Reykjavíkurborg 2016:

Samstarfssamningar 2016 og 2017:  2 m.kr. Samtök um danshús.

3 m. kr.  Borgarhátíðasjóður 2016, 2017 og 2018: Lókal leiklistarhátíð og  Reykjavík Dance Festival.

Aðrir styrkir árið 2016:

750.000 kr.  

Möguleikhúsið

700.000 kr.

ASSITEJ

500.000 kr.

Rósa Ómarsdóttir v. Traces

400.000 kr.

Anna Kolfinna Kuran v. Maestro

Heimilislausa leikhúsið ETHOS,

Leikhópurinn Háaloftið v. Biðstofunnar,

Leikhúsið 10 fingur

350.000 kr.

Barnamenningarfélagið Skýjaborg,

Bergdís Júlía Jóhannsdóttir v. Leikhús meður kíki,

Edda Björg Eyjólfsdóttir v. leikverksins Þórbergur,

Elma Lísa Gunnarsdóttir v. Lóaboratoríum,

María Pálsdóttir v. Pörupilta,

Sigríður Eyrún Friðriksdóttir v. söngleiksins Fíll.

300.000 kr.

Kvenfélagið Garpur v. dansleikhúsverksins Og allir vilja vera á sviðinu,

Margrét Kristín Sigurðardóttir v. leikverksins Ósagt,

Margrét Sara Guðjónsdóttir v. dansverksins Hypersonic States,

RaTaTam v.leikverksins SUSS!!!,

Sigríður Soffía Níelsdóttir v. dansleikhúsverksins Þín … Read More »



Samstarfsverkefni í Borgarleikhúsinu

Posted by leikhopar1 in Frettir. No Comments

19th January

Borgarleikhúsið hýsir á hverju ári a.m.k. tvö verkefni sjálfstæðra leikhópa. Verkefnin eru valin í samvinnu við borgaryfirvöld og stjórn Sjálfstæðu leikhúsanna (SL).  Samkvæmt samkomulagi Leikfélags Reykjavíkur og Reykjavíkurborgar skal Leikfélag Reykjavíkur “tryggja hið minnsta tveimur öðrum leikflokkum afnot af húsnæði í Borgarleikhúsinu til æfinga og sýninga eins verkefnis á hverju ári. Leikflokkarnir skulu hafa endurgjaldslaus afnot af húsnæði en greiða útlagðan kostnað L.R. vegna vinnu þeirra í Borgarleikhúsinu.”

Samkvæmt ofangreindu er hér með auglýst eftir umsóknum leikhópa vegna leikársins 2016 – 2017.

Með umsókn skal senda greinargerð um verkefnið þar sem greint er skilmerkilega frá því, aðstandendum þess, framkvæmdaraðilum, listrænum stjórnendum og þátttakendum öllum ásamst vandaðri fjárhagsáætlun.

Umsóknir berist leikhússtjóra Borgarleikhússins, Listabraut 3, 103 Reykjavík eigi síðar en kl. 16 mánudaginn 1. febrúar 2016.  Einnig er hægt að senda inn umsókn með tölvupósti, merktum samstarf á borgarleikhus@borgarleikhus.is



Úthlutun leiklistarráðs 2016

Posted by leikhopar1 in Frettir. No Comments

19th January

Mennta- og menningarmálaráðherra hefur samþykkt tillögu leiklistarráðs um styrki til atvinnuleikhópa fyrir árið 2016. Alls bárust 94 umsóknir frá 82 atvinnuleikhópum. Úthlutað var 88,5 milljónum króna til 18 verkefna.

Heildarupphæð leiklistarráðs til styrkjaúthlutana 2016 er 88,5 milljónir en alls var sótt um 559.552.571 milljónir króna. Árið 2016 fá eftirfarandi 18 verkefni styrkúthlutun:

Nafn leikhóps
Heiti verkefnis
Forsvarsmaður
Tegund
Styrkur kr.

Barnamenningar-félagið Skýjaborg
Cleiti Craicailte / furðufuglafjaðrir (vinnuheiti)
Tinna Grétarsdóttir
Barnaleikhús
Dans
3.000.000

Dansfélagið Lúxus
Hringrás
Valgerður Rúnarsdóttir
Dans
5.300.000

Edda Productions
Þórbergur
Edda Björg Eyjólfsdóttir
Leikur
7.500.000

Frystiklefinn
Ferðin að miðju jarðar
Kári Viðarsson
Barnaleikhús
3.000.000

G&G
A Guide to the Perfect Human
Gígja Jónsdóttir
Leikur
Dans
4.500.000

Gaflaraleikhúsið/
2 ára samn 2015/16.*
4 leikverk
Lárus Vilhjálmsson
Leikur
Barnaleikhús
10.000.000

GRAL áhugafélag um leiklist 
Íslendingasögurnar 30/90/30
Sólveig Guðmundsdóttir
Leikur
7.500.000

Innra eyrað
Ísland í augum hinna
Þorgerður E. Sigurðardóttir
Leikur
500.000

Kara Hergils Valdimarsdóttir
Hún pabbi
Kara Hergils Valdimarsdóttir
Leikur
3.800.000

Kriðpleir leikhópur
Ævisaga einhvers – sögur almennra Íslendinga
Friðgeir Einarsson
Leikur
2.600.000

LAB LOKI, félagasamtök
Inferno
Rúnar Guðbrandsson
Leikur
9.000.000

Leikfélagið Annað svið
Enginn hittir neinn
María Ellingsen
Leikur
1.000.000

Lókal, leiklistar-hátíð ehf  og Reykjavík Dance Festival
Á mölinni – Skólavörðuholtið
Ragnheiður Skúladóttir
Leikur
Dans
2.500.000

Margrét Sara Guðjónsdóttir
Hypersonic States
Ragnheiður Skúladóttir
Dans
6.800.000

Menningarfélagið Tær
Shades of History
Katrín Gunnarsdóttir
Dans
2.500.000

Sirkus Íslands ehf.         
Fjölskyldusýningin Leikvöllurinn
Lee Robert John Nelson
Barnaleikhús Dans
Handrit
1.500.000

SmartíLab
Fyrirlestur um eitthvað fallegt
Sara Hlín Marti Guðmundsdóttir
Heimildaleik-hús
7.500.000

Soðið svið
Extravaganza
Aðalbjörg Þóra Árnadóttir
Leikur
7.500.000

Sómi þjóðar
1000 ára … Read More »



Norrænir sviðslistadagar í Færeyjum

Posted by leikhopar1 in Frettir. No Comments

19th January

Norrænu sviðslistadagarnir verða haldnir í Færeyjum í mai. Siðustu forvöð að skrá sig er 1. febrúar. Allir í sviðslistum verða að flykkjast til vina okkar í Færeyjum, sýna sig og sjá aðra og skoða spennandi leikhús frá norðurlöndunum.

Gestasýningar, vinnustofur, fyrirlestrar, upplestrar og skoðunarferðir.

Meðal gestasýninga eru IKEA ferðir með leikhópnum 16 elskendur.

Nánari upplýsingar á:  http://www.nordicperformingartsdays.fo



Inntökupróf í Rose Bruford haldin í Reykjavík í mars

Posted by leikhopar1 in Frettir. No Comments

4th January

Alþjóðlegur leiklistarháskóli í London

Rose Bruford leiklistarháskólinn mun halda inntökupróf og viðtöl fyrir allar deildir í Hinu Húsinu, Reykjavík dagana 12. og 13.mars 2016

Nánari upplýsingar og skráning með tölvupósti á: international@bruford.ac.uk og í síma: +44(0)20 8308 2638

Námið hefst í október 2016

Rose Bruford var valinn besti leiklistarháskóli Bretlands í skoðanakönnun

nemenda 2013 og 2014

bruford.ac.uk

https://www.facebook.com/events/140566466308801/



Áheyrnarprufa FÍL, FLÍ og leikhúsanna í Þjóðleikhúsinu

Posted by leikhopar1 in Frettir. No Comments

18th November

Áheyrnarprufa FÍL, FLÍ  og leikhúsanna í Þjóðleikhúsinu

Prufan fer fram þriðjudaginn 05. janúar 2016.  Þátttakendum verður skipt í hópa og fær hver hópur senu sem unnin er með leikstjóra frá kl. 13.00 – 16.00

Prufan sjálf hefst síðan kl. 16.30 og er ætlað að standi í tvær klukkustundir.

Þeir sem vilja syngja ath. Undirleikari verður á staðnum til æfinga frá kl. 12.00 – 13.00   Eingöngu brot úr lagi – ca 1 mín  Þátttakendur þurfa að hafa nótur meðferðis.

Skráning er til og með 13. desember á fil@fil.is   Skilyrði fyrir skráningu er að með fylgi  CV með mynd á EINU A4 blaði – pdf gætið þess að sími og netfang komi fram á CV

Leikstjórar sem taka þátt í verkefninu koma frá Borgarleikhúsinu, MAK og Þjóðleikhúsinu

Nánari upplýsingar síðar!

www.fil.is



Kynning á norrænum menningarstyrkjum

Posted by leikhopar1 in Frettir. No Comments

4th November

Mánudaginn 26. Nóvember s.l hélt Ása Richardsdóttir verkefnasendiherra Norræna menningarsjóðsins, kynningu á norræna styrkjakerfinu fyrir félaga SL í Tjarnarbíói.  Auk Ásu sögðu þau Pétur Ármannsson og Brogan Davison frá reynslu sinni af styrkjakerfinu.  Fundurinn var ágætlega sóttur og í kjölfarið bauð Ása uppá prívatfundi fyrir félaga SL til að þróa hugmyndir um norrænt samstarf.    Hægt er að sækja um styrki í tvo menningarsjóði, Norræna mennignarsjóðinn og Norrænu menningargáttina.   Á síðu Norrænu upplýsingaskrifstofunnar á Akureyri er að finna tengla á fleiri sjóði og upplýsingar um umsóknarfresti og ennfremur má finna tengla á síðu Norrænu ráðherranefndarinnar og Norðulandráðs.

Hlaða má niður glærukynningu Ásu Richardsdóttur hér:  Kynning Norrænir Sjóðir SL endurbætt



Umsögn SL um fjárlög 2016

Posted by leikhopar1 in Frettir. No Comments

20th October

Sjálfstæðu leikhúsin hafa skilað umsögn um fjárlög 2016 til fjárlaganefndar Alþingis og er í megindráttum hér að neðan.

Sjálfstæðu leikhúsin óska eftir:

●  að framlag til starfsemi atvinnuleikhópa1 verði hækkað úr 78,5 í 107 milljónir.
●  að mánuðum verði fjölgað í launasjóði sviðslistafólks, úr 190 mánuðum í 280 mánuði.

Vegna þess að:

●  SL frumsýna 60% allra sýninga í íslensku sviðslistaumhverfi.

●  SL fá 30% áhorfenda á sýningar sínar.

●  SL fengu helming allra tilnefninga til Grímuverðlauna á liðnu leikári.

●  SL fá aðeins 8​% a​f því fjármagni sem lagt er til sviðslista á Íslandi.

●  launakostnaður hefur hækkað um 25%.

●  að SL er í fararbroddi þegar kemur að nýsköpun og kynningu á íslenskum sviðslistaverkum innan lands sem utan.

Umsögnina má lesa í heild sinni hér:  Umsögn um Fjárlög



Frystiklefinn Rifi hlýtur Eyrarrósina 2015

Posted by leikhopar1 in Frettir. No Comments

6th April

Frysti­klef­inn á Rifi hlaut Eyr­ar­rós­ina 2015 sem veitt er fyr­ir framúrsk­ar­andi menn­ing­ar­verk­efni utan höfuðborg­ar­svæðis­ins. Þetta var í ell­efta sinn sem viður­kenn­ing­in er veitt, en hana veita Byggðastofn­un, Flug­fé­lag Íslands og Lista­hátíð í Reykja­vík.

Dor­rit Moussai­eff for­setafrú er vernd­ari Eyr­ar­rós­ar­inn­ar og af­henti Kára Viðars­syni, eig­anda og fram­kvæmda­stjóra Frysti­klef­ans verðlaun­in.



ALÞJÓÐLEGI LEIKLISTARDAGURINN 27. MARS 2015

Posted by leikhopar1 in Frettir. No Comments

27th March

ALÞJÓÐLEGI LEIKLISTARDAGURINN 27. MARS 2015

23. mar 2015

Alþjóðlegi leiklistardagurinn er þann 27. mars, en hann hefur verið haldinn hátíðlegur síðan 1961. Það er Alþjóða Leiklistarstofunin ITI sem stendur fyrir verkefninu og viðburðum því tengdu. Á hverju ári hafa mikilsvirtir sviðslistamenn eða áhrifafólk úr öðrum geirum verið fengnir til að flytja hið alþjóðlega ávarp. Í ár er það pólski leikstjórinn Krzysztof Warlikowski sem semur alþjóðaávarpið. Þýðingu á ávarpinu má sjá hér fyrir neðan

Leiklistasambandið hefur haft þá venju að fá íslenskt sviðslistafólk til að semja íslenskt ávarp fyrir Alþjóðaleikhússdaginn og í ár er það Halldóra Geirharðsdóttir leikkona sem semur íslenska ávarpið.

Boðskapur á alþjóðlega leiklistardeginum, 27. mars 2015

Eftir Krzysztof Warlikowski

Sanna leikhússnillinga er helst að finna víðs fjarri leiksviðinu. Vanalega hafa þeir ekki áhuga á að brúka leikhúsið sem eins konar maskínu til að endurtaka hefðbundnar aðferðir og klisjur. Þeir leita uppi ferskar uppsprettur, lifandi … Read More »



ÍSLENSKT ÁVARP Á ALÞJÓÐLEGUM DEGI LEIKLISTARINNAR

Posted by leikhopar1 in Frettir. No Comments

27th March

ÍSLENSKT ÁVARP Á ALÞJÓÐLEGUM DEGI LEIKLISTARINNAR
eftir Halldóru Geirharðsdóttur

26. mar 2015

Leiksýning er ferðalag ykkar kæru áhorfendur.

VIðbrögð ykkar eru líf ykkar, ef þið eruð snortin þá er það af því þið hafið komist í samband við ykkar eigin líf.

Hlutverk okkar sem stöndum á sviðinu er að fara eins nálægt sjálfum okkur og kostur er, svo þið eigið möguleika að komast nær ykkur. Spegilfrumur eða-hermifrumur áhorfandanna geta komist jafn langt og dýpt sýningarinnar.

Leikhúslistafólk rannsakar á löngu æfingar og sköpunarferli manneskjur, samfélag og sögur og áhorfendur fá tækifæri til að upplifa rannsóknina og ferðalagið á einni kvöldstund.

Rússneskur leikstjóri kenndi mér að enginn kemur í leikhús til að horfa á hversdagslegu mig, ég hef ekki leyfi til að standa á sviði sem hvundagslega ég. Á sviðinu er ég farvegur fyrir ÆÐRI mig. Og ÆÐRI ég erum VIÐ, samvitund. Á sviðinu komum við sameiginlegri vitneskju um … Read More »



Nýr framkvæmdarstjóri!

Posted by leikhopar1 in Frettir. No Comments

25th March

Sjálfstæðu Leikhúsin hlutu þriggja milljón króna styrk til rekstur skrifstofu fyrir árið 2015.  Gunnar Gunnsteinsson fráfarandi framkvæmdarstjóri SL hefur hafið störf sem framkvæmdarstjóri Menningarfélags Akureyrar og því var auglýst eftir nýjum framkvæmdarstjóra í 50% starf í febrúar.  Alls sóttu 13 einstaklingar um starfið og var Friðrik Friðriksson ráðinn í starfið um miðjan mars.

Friðrik hefur starfað sem leikari og leikstjóri undanfarin 17 ár og verið virkur í starfi Sjálfstæðu leikhúsanna og sat m.a. í stjórn Tjarnarbíós frá 2011 til 2014.  Hann útskrifaðist sem leikari frá Leiklistarskóla Íslands árið 1998 og hefur starfað m.a. hjá Leikfélagi Reykjavíkur og Þjóðleikhúsinu.  Friðrik er í MBA námi við Háskólann í Reykjavík sem hann lýkur vorið 2016.

Skrifstofa SL í Tjarnarbíó verður opin mánudaga og þriðjudag frá 9 – 12.  Auk þess er hægt að ná í Friðrik í síma 699-0770 eða bara senda honum póst á … Read More »



Úthlutun leiklistarráðs 2015

Posted by leikhopar1 in Frettir. No Comments

29th January

Úthlutun styrkja til atvinnuleikhópa 2015

27.1.2015

Mennta- og menningarmálaráðherra  hefur að tillögu leiklistarráðs úthlutað styrkjum til atvinnuleikhópa árið 2015. Alls bárust 86 umsóknir frá 80 aðilum, þar af bárust tvær umsóknir um samstarfssamning.

Úthlutað var 75. 5 milljónum króna til 13 verkefna og eins samstarfssamnings við Gaflaraleikhúsið til tveggja ára með 10 milljón króna framlagi hvort ár.

Leikhópurinn sem stendur að Gaflaraleikhúsinu í  Hafnarfirði áætlar að vinna að fjórum verkefnum fyrir börn og unglinga auk fullorðna. Þessi verkefni eru:  Einar Ben, söguleikhús, Biblían á 60 mínútum,  Bakarofninn, þar sem matargerð er lyst og Þankagangur.  Hafnarfjarðarbær hefur staðfest mótframlag til þessara verkefna.

Nafn hóps
Forsvarsmaður
Verkefni
Styrkir

Dans:

Melkorka S. Magnúsdóttir
Melkorka S. Magnúsdóttir
Milkywhale
3.734.000

Menningarfél. Tær
Katrín Gunnarsdóttir
Kvika
6.763.000

Rósa & Inga
Rósa Ómarsdóttir
Carrie’s Cry
4.744.000

Börn:

Ásrún Magnúsdóttir & samstarfsfólk
Ásrún Magnúsdóttir
Made in Children
7.115.000

Barnamennfélag Skýjaborg
(bíbí & blaka)
Sólrún Sumarliðadóttir
Stormur og skýin
1.310.000

Brúðuheimar
Hildur M. Jónsdóttir
Íslenski fíllinn
5.650.000

Önnur sviðsverk:

Áhugaleikhús atvinnumanna
Steinunn Knútsdóttir
Ódauðleg verk 1 – 5
900.000

Kvenfélagið Garpur
Sólveig Guðmundsdóttir
Sóley Rós ræstitæknir
4.367.000

Leikhópurinn Díó
Aðalbjörg Þ. Árnadóttir
Natalía og Natalía
3.406.000

LGF slf.
Heiðar Sumarliðason
Amöbur átu úr mér augun
5.995.000

OST
Olga … Read More »






Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Ávarp á Alþjóðlega leiklistardeginum 27. mars 2017

Ávarp á Alþjóðlega leiklistardeginum 27. mars 2017 eftir Isabelle Huppert, France

Jæja, hérna erum við þá enn einu sinni saman komin að vori fimmtíu og...

Nordisk Kulturfond og Nordisk Kulturkontakt

Hér er að finna nýja glærukynningu á Nordisk Kulturfond og Nordisk Kulturkontakt frá Ásu Richardsdóttur verkefnasendiherra Norræna Menningarsjóðsins.

Kynning-Norrænir-sjóðir-Febrúar-2017-Ása-Richardsdóttir

Inntökupróf Drama Studio London

Einn af fremstu leiklistarskólum Bretlands, Drama Studio London, mun halda áheyrnarprufur í Reykjavík 11 febrúar næstkomandi. Sótt er um skólavist á vefsíðu skólans www.dramastudiolondon.co.uk, en...