Opnunarhátíð nýs Tjarnarbíós


Posted on March 24th, by leikhopar1 in Frettir. No Comments

0 Flares Twitter 0 Facebook 0 Filament.io 0 Flares ×
Laugardaginn 29. mars kl. 19:00 (húsið opnar 18:30)
29. mars næstkomandi heldur Tjarnarbíó, í samvinnu við Vinnsluna, glæsilega opnunarhátíð, þar sem listamenn munu sýna verk í hverju rými hússins, en þetta gamla leikhús leynir sko á sér!

Á síðustu vikum og mánuðum hefur stefna og starfsemi Tjarnarbíós verið skoðuð ofan í kjölinn og ýmsar breytingar hafa verið settar í gang. Þann 29. mars næstkomandi höldum við opnunarhátíð, þar sem við bjóðum öllum að koma og kynnast hinu nýja Tjarnarbíói.

Tjarnarbíó er ekki bara lítið leikhús við Tjörnina, heldur lifandi vettvangur sköpunar og miðstöð allra listforma, þar sem listir eru iðkaðar í hverju rými hússins, hvort sem það er stóri salurinn, tækniherbergið, kaffihúsið eða þröngir ranghalar þessa gamla húss. Hér blandast tónar, litir, leikur og myndir. Sköpunin ræður ríkjum.

Á einni kvöldstund getur þú upplifað margt af því áhugaverðasta í íslensku listalífi, en 24 listamenn og hópar sýna verk af öllum listformum:

Anna Fríða Giudice
Ásdís Sif Gunnarsdóttir
Bjartmar Þórðarsson
EinarIndra
Guðlaug Mía Eyþórsdóttir og Steinunn Harðardóttir – Sparkle Poison
Inga Maren og Ásgeir Helgi
Jana María Guðmundsdóttir
Kristína Berman
Listahópurinn Vinnslan
Mar Cuervo
Maria Edit Antal
Nikhil Nathan Kirsh
Peter Pendergrass
Pétur Ben
Ragnheiður Maísól
Rán Jónsdóttir
Reykvélin
VaVaVoom Theatre & Bedroom Community – Wide Slumber
Sigurður Arent – Foreign Objectives 
Spegilbrot
Steinunn Ketilsdóttir
Sylvía Dögg Halldórsdóttir – Lovetank
Háaloftið – Útundan
Una Furtiva

Frá Guðmundi Inga Þorvaldssyni, framkvæmdastjóra:
Opnunarhátíðin er yfirlýsing frá starfsfólki Tjarnarbíós og skapandi sviðslistafólks um það sem koma skal í leikhúsinu við Tjörnina. Það sem gerist í Tjarnarbíó er svo miklu stærra en við gætum nokkurn tímann afrekað hvert í sínu horni. Tjarnarbíó á að verða samfélag listamanna og alls áhugafólks um sköpun. Í því samtali verður til forsenda til sköpunar verka sem eru stærri, dýpri og mikilfenglegri en það sem við gætum nokkru sinni afrekað hvert í sínu horni. Í Tjarnarbíó er allt opið og mörkin milli listgreina og milli listarinnar og samfélagsins afmáð.

Á opnunarhátíðinni kynnum við ekki bara fyrir ykkur hvernig list verður til og hversu fjölbreytt og dásamleg hún getur verið. Við kynnum einnig fyrir þér kaffihúsið okkar og barinn sem við erum að opna. Þar munum við bjóða upp á dýrindis kaffi og með því ásamt áfengum veitingum sem við leggjum metnað í að verði eins og best gerist. En Kaffihúsið okkar verður svo miklu meira en það. Það verður hjarta hússins. Þar mun listafólk flesta daga vikunnar kynna fyrir gestum kaffihússins þau verkefni sem það er að vinna að þá stundina og bjóða upp á samtal um sköpunina. Með þeim hætti eignumst við öll hlutdeild í þeim samfélagsspegli sem list á að vera. Tjarnarbíó er okkar allra.

Við hlökkum til að sjá ykkur sem flest á opnunarhátíðinni okkar!

Miðasala á www.tjarnarbio.is






Leave a Reply

Your email address will not be published. Required fields are marked *



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Ávarp á Alþjóðlega leiklistardeginum 27. mars 2017

Ávarp á Alþjóðlega leiklistardeginum 27. mars 2017 eftir Isabelle Huppert, France

Jæja, hérna erum við þá enn einu sinni saman komin að vori fimmtíu og...

Nordisk Kulturfond og Nordisk Kulturkontakt

Hér er að finna nýja glærukynningu á Nordisk Kulturfond og Nordisk Kulturkontakt frá Ásu Richardsdóttur verkefnasendiherra Norræna Menningarsjóðsins.

Kynning-Norrænir-sjóðir-Febrúar-2017-Ása-Richardsdóttir

Inntökupróf Drama Studio London

Einn af fremstu leiklistarskólum Bretlands, Drama Studio London, mun halda áheyrnarprufur í Reykjavík 11 febrúar næstkomandi. Sótt er um skólavist á vefsíðu skólans www.dramastudiolondon.co.uk, en...