Aðventa í Tjarnarbíó


Posted on December 1st, by leikhopar1 in Frettir. No Comments

0 Flares Twitter 0 Facebook 0 Filament.io 0 Flares ×

Möguleikhúsið kynnir:

Aðventa

einleikur byggður á sögu Gunnars Gunnarssonar

„Þegar hátíð fer í hönd, búa menn sig undir hana, hver á sína vísu.“

Þannig hefst saga Gunnars Gunnarssonar, Aðventa. Bókin kom út árið 1939 og er hún sú saga Gunnars sem víðast og oftast hefur verið gefin út. Hún kom fyrst út á dönsku, en síðar þýddi höfundurinn hana sjálfur á íslensku.

Hér er sagt frá svaðilförum vinnumannsins Benedikts sem fer til fjalla í vetraríki aðventunnar að leita þess fjár sem eftir varð er smalað var um haustið. Það er köllun hans að koma þessum eftirlegukindum til byggða fyrir hátíðirnar.

Söguna byggir höfundur á frásögnum af frægum svaðilförum Benedikts Sigurjónssonar, öðru nafni Fjalla-Bensa, á Mýrdalsöræfum og einkum þó eftirleitarferð sem hann fór í desember 1925. Þetta er klassísk saga um náungakærleika og fórnfýsi í vetrarhörkum íslenskra öræfa.

Í sýningunni er unnið eftir aðferðum frásagnarleikhússins þar sem einn leikari, Pétur Eggerz, stendur á sviðinu, flytur söguna og bregður sér jafnframt í hlutverk helstu persóna. Þá skipar hljóðmynd stóran sess í sýningunni og á þátt í að skapa heim sögunnar, en höfundur hljóðmyndarinnar er Kristján Guðjónsson. Leikmynd og búninga hannar Messíana Tómasdóttir.

Leiksýningin Aðventa var frumsýnd árið 2008 og hefur verið sýnd víðsvegar fyrir hver jól síðan og vakið athygli. Í umfjöllun fjölmiðla þegar sýningin var frumsýnd sagði m.a.:

Að breyta einni af frægustu smásögum landsins í leikrit er talsvert afrek. Alda Arnardóttir gerir þetta svo prýðilega að maður undrast af hverju engum hafi dottið það í hug áður.
MSR – Mbl

Allt í frágangi sýningarinnar var vel úr garði gert.
PBB – Fbl

Pétur Eggerz leikari og leikhússtjóri Möguleikhússins vinnur afrek með túlkun sinni á sögu Gunnars.
SA – Viðskiptablaðið

Sýnd 8. og 15. desember kl. 20:00.

Miðasala á www.tjarnarbio.is 





Leave a Reply

Your email address will not be published. Required fields are marked *



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Aðalfundur Bandalags Sjálfstæðra Leikhúsa 2019

Kæru félagar

Aðalfundur SL verður haldinn mánudaginn 27. maí kl. 20 í Tjarnarbíó.

Dagskrá:

1. Skýrsla stjórnar

2. Reikningar bandalagsins

3. Lagabreytingar

4. Kosning stjórnar og formanns (þegar það á við)

5. Ákvörðun...

Nokkur orð um hlutverk Soffíu frænku – Heimsleikhúsdagurinn 2019

Það er fræg sagan af íslenskri leikkonu á 20. öld sem fékk hlutverk Soffíu frænku í Kardemommubænum og sló í gegn, þannig að í...

BOÐSKAPUR Á HEIMSLEIKHÚSSDEGINUM 2019

Þegar áhugi minn á leikhúsi vaknaði og ég hóf þar störf höfðu lærifeður mínir þá þegar sett mark sitt á það. Þau höfðu byggt...