Ákall til Alþingis


Posted on nóvember 1st, by leikhopar1 in Frettir. No Comments

0 Flares Filament.io 0 Flares ×

Aðalfundur Leiklistarsambands Íslands  7.október 2013 ályktar

 

Leiklistarsamband Íslands skorar á Alþingi að falla frá  skerðingu framlaga til starfsemi atvinnuleikhópa, kynningarstarfs og hátíða í sviðslistum sem boðuð er  í frumvarpi til fjárlaga 2014.

 

Sambandið hvetur Alþingi til þess að taka upp samtal við forsvarsfólk skapandi greina um hvernig  tryggja megi áframhaldandi fjárfestingu í innviðum greinanna og uppbyggingu þeirra.

 

Skapandi greinar eru burðaratvinnugrein og einn helsti vaxtarbroddur í íslensku atvinnulífi.  Jákvæð hagræn áhrif þeirra eru óyggjandi.  Á síðustu árum hafa stjórnvöld og greinarnar unnið saman að því að endurskoða sjóðakerfi, skilgreina þarfir og rannsaka efnahagslegt og menningarlegt framlag greinanna til samfélagsins.  Sú vinna hefur skilað metnaðarfullum sameiginlegum tillögum um fjárfestingu í innviðum greinarinnar.  Þeirri vinnu má ekki kasta á glæ.

 

Sjálfstæðir atvinnuleikhópar auka fjölbreytni  í listgrein okkar og eru mikilvæg stoð við hlið helstu stofnana í sviðslistum.  Aðalsmerki sjálfstæðra leikhópa er uppsetning nýrra íslenskra verka og skiptir framlag þeirra miklu máli í framþróun og nýsköpun í leiklist og danslist.  Leikhóparnir eru leiðandi í alþjóðastarfi og nægir að nefna sigurför leikhópsins Vesturports um heim allan.  Í fjárlagafrumvarpi er lögð til 24% lækkun á framlagi til starfsemi atvinnuleikhópa,  úr 89,8 m.kr. í 68,5 m.kr.

 

Ný verkefni hafa skotið rótum í sviðslistum á undanförnum árum, verkefni sem auka fjölbreytni fyrir áhorfendur og stuðla að nýjum tækifærum fyrir listafólk.  Hátíðirnar Reykjavik Dance Festival og Lókal, alþjóðleg leiklistarhátíð , hafa þegar sannað gildi sitt í þessum efnum og eiga sinn þátt í aukinni menningartengdri ferðaþjónustu.

 

Leiklistarsamband Íslands hefur frá árinu 2011 staðið fyrir kynningu á íslensku sviðslistafólki og verkum þeirra á alþjóðavettvangi og unnið að því að stækka atvinnumarkað sviðslistafólks.  Sambandið tekur þátt í norrænu og evrópsku samstarfi og hefur lagt sterkan grunn að stofnun Kynningarmiðstöðvar sviðslista með starfi sínu.  Sambandið og hátíðirnar hafa notið stuðnings af fjárlagaliðnum „styrkir á sviði listgreina” sem og skrifstofur Sjálfstæðra leikhópa og Bandalags íslenskra áhugaleikfélaga. Í fjárlagafrumvarpinu er lögð til 45% lækkun á þeim lið, að fjárveiting fari úr 64,6 m.kr. í 35,5 m.kr.   Ljóst er að verði tillaga um skerðingu þessa liðar að veruleika leggst starfsemi einhverra ofangreindra aðila niður.

 

Leiklistarsambandið skorar á Alþingi að tryggja áframhaldandi grósku og nýsköpun í íslenskum sviðslistum með því að falla frá þeim skerðingum framlaga, sem boðaðar eru í fjárlagafrumvarpinu 2014.





Skildu eftir svar

Netfang þitt verður ekki birt. Nauðsynlegir reitir eru merktir *

This site uses Akismet to reduce spam. Learn how your comment data is processed.



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Viðmiðunartölur launa- og verkgreiðslna vegna umsókna til Leiklistarráðs 2020 vegna verkefna á árinu 2020 eða síðar

Athugið að í þessum viðmiðunartölum er gengið út frá því að um heilskvöldssýningu fyrir fullorðna sé að ræða. Við sýningar sem eru minni að...

Til bjargar listinni: ákall til stjórnvalda

Þetta ákall var upprunalega ritað af alþjóðlegu sviðslistasamtökunum IETM og undirritað af Circostrada, ETC, IN SITU og EDN.

Síðan kórónufaraldurinn braust út hefur gríðarstór hluti jarðarbúa –...

Rannsókn á afleiðingum COVID 19 á sviðslistir

Fyrir hönd Sjálfstæðu Leikhúsana (SL), Sviðslistasambands Íslands (SSÍ) og fagfélaga inann sviðslista viljum við safna saman upplýsingum til að meta stöðu sjálfstæðra sviðslista í...