Stóru börnin eftir Lilju Sigurðardóttur í Tjarnarbíó
Lab loki frymsýnir Stóru börnin í Tjarnarbíó, nýtt íslenskt leikverk eftir Lilju Sigurðardóttur. Verkið fjallar á margræðan hátt um gildi ástarinnar og varpar fram þeirri spurningu hvorthægt sé að setja á hana verðmiða.
Í verkinu er skyggnst inn í hulinn heim infantílista, fólks sem þráir að haga sér og láta annast sig sem börn, en líkt og með önnur blæti (fetish) hefur þessi veruleiki almennt legið í þagnargildi. Heimur stóru barnanna er bakland þessa óvenjulega sviðsverks þar sem bældar þrár æskuáranna brjótast fram blandnar hvötum fullorðna fólksins sem þær geymir.
Í verkinu fylgjumst við með Mömmu, konu sem býður móðurást sína til sölu og viðskiptavinum hennar, stóru börnunum, sem hvert og eitt koma til Mömmu með ólíkt veganesti úr lífinu sem oft hefur farið um þau óblíðum höndum.
Leikstjóri: Rúnar Guðbrandsson Höfundur: Lilja Sigurðardóttir
Leikarar: Lilja Guðrún Þorvaldsdóttir, Árni Pétur Guðjónsson, Birna Hafstein og Stefán Hallur Stefánsson.
Athugið: Takmarkaður sýningafjöldi!
Miðasala: midi.is/leikhus/1/7827
Upplýsingar á síðu Tjarnarbíós: tjarnarbio.is/?id=807
Leikmynd og búningar: Drífa Freyju-Ármannsdóttir og Ari Birgir Ágústsson
Ljósahönnun: Arnar Ingvarsson
Hljóðmynd: Garðar Borgþórsson
Skildu eftir svar