Þannig aukum við lífsgæði!


Posted on October 4th, by leikhopar1 in Frettir. No Comments

0 Flares Filament.io 0 Flares ×

Sjálfstæðu leikhúsin (SL), samtök atvinnufólks í sviðslistum á Íslandi, harma þann mikla niðurskurð til sjálfstæðra sviðslistahópa sem boðaður er í fjárlögum 2014.

Innan sjálfstæða sviðslistageirans er að finna vaxtarbrodd íslenskra sviðslista, sem felst í nýsköpun, rannsóknum og tækifærum ungs sviðslistafólks til að láta að sér kveða. Menningarlegt gildi starfsins er umtalsvert, þar sem  meirihluti allra uppsetninga sjálfstæðra hópa eru ný íslensk verk sem stuðlar að framþróun sviðslista með nýsköpun og frumleika að leiðarljósi.  Sjálfstæðu leikhúsin – SL eiga veigamikinn þátt í kynningu á íslenskum sviðslistum á erlendum vettvangi og hafa staðið að markvissri uppbyggingu á alþjóðlegu tengslaneti sem og  framsæknir sviðslistahópar eins Vesturport og Shallala Ernu Ómarsdóttur.

Á síðustu árum hefur orðið til kröftugur vettvangur skapandi greina, sem hafa skapað  störf og aukið gjaldeyristekjur þjóðarinnar, eins og fram kemur í skýrslu um hagræn áhrif skapandi greina frá 2010. Í skýrslunni, sem unnin var í samvinnu fjögurra ráðuneyta, eru færðar sönnur á mikilvægi skapandi greina fyrir íslenskt atvinnulíf.   Það er því með öllu óskiljanlegt að ekki sé haldið áfram að byggja upp og styðja við skapandi greinar þegar ljóst er að Ísland þarf að halda áfram að byggja upp atvinnulíf sem byggir á hugviti og sköpunarkrafti.

Skapandi greinar eru að stórum hluta lykillinn að því að vekja athygli á Íslandi sem áhugaverðum  kosti  fyrir ferðamenn. Þær eru grunnur að öflugu mennningarlífi, nýsköpun og umbreytingu í atvinnulífi  og forsenda fyrir  farsælu þjóðfélagi.  Stjórn Sjálfstæðu leikhúsanna – SL  hvetur því ríkisstjórn og þingmenn til að draga til baka niðurskurð upp á 24%  til  starfsemi atvinnuleikhópa í fjárlagafrumvarpi og gefa þeim tækifæri til að halda áfram að byggja upp fjölbreytt og skapandi Ísland.  Þannig aukum við tekjur ríkissjóðs – þannig aukum við lífsgæði!

 

Fyrir hönd stjórnar SL

Birna Hafstein, formaður.





Leave a Reply

Your email address will not be published. Required fields are marked *



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Málþing Leikfélags Reykjavíkur um Jóhann Sigurjónsson (1880 – 1919)

Leikfélag Reykjavíkur efnir til málþings í Borgarleikhúsinu laugardaginn 12. október  í tilefni af 100 ára dánardægri hans og hefst það kl. 11:00 á Litla...

Morgunspjall SL – Haustið 2019

SL býður félagsmönnum aftur upp á morgunverðarspjallið á nýju leikári.  Næsta spjall verður miðvikudagsmorguninn 2. október á Tjarnarbarnum í Tjarnarbíó.  Kaffi, brauðmeti og morgunverðarleikheit á boðstólnum.  Gestarfyrirlesari í hvert...

VIÐMIÐUNARTÖLUR LAUNA- OG VERKGREIÐSLNA 2019
Viðmiðunartölur launa- og verkgreiðslna vegna umsókna til Leiklistarráðs 2019 vegna verkefna á árinu 2020 eða síðar

Athugið að í þessum viðmiðunartölum er gengið út frá...