Tjarnarbíó auglýsir eftir framkvæmdastjóra og tæknistjóra


Posted on September 27th, by admin in Frettir. No Comments

0 Flares Twitter 0 Facebook 0 Filament.io 0 Flares ×

Screen Shot 2013-09-27 at 4.36.45 PM

Viltu vinna í skapandi umhverfi?
Tjarnarbíó auglýsir eftir framkvæmdastjóra og tæknistjóra
Framkvæmdastjóri Tjarnarbíós
Um er að ræða 75% starf.  Viðkomandi hefur yfirumsjón með daglegum rekstri Tjarnarbíós. Má þar helst nefna; bókanir á húsnæðinu, samningagerð við leigutaka, markaðsmál, yfirumsjón með uppfærslu heimasíðu og á öðrum vefsvæðum.  Jafnframt sinnir hann uppgjöri á viðburðum við leigutaka, fjármálum og bókhaldi, starfsmannahaldi, launaútreikningum, samskiptum við opinbera og erlenda aðila.  Framkvæmdastjóri heyrir beint undir stjórn Menningarfélags Tjarnarbíós (MTB) og vinnur náið með leigutökum þegar kemur að markaðssetningu og ímynd Tjarnarbíós. Framkvæmdarstjóri tekur þátt í því að móta listræna stefnu hússins.  Jafnframt sinnir framkvæmdastjóri upplýsingagjöf til Reykjavíkurborgar.   Starfið krefst oft óhefðbundins vinnutíma.

Hæfniskröfur:

–      Háskólamenntun sem nýtist í starfi.

–      Reynsla af því að starfa við rekstur og starfsmannahald.

–      Þekking á skapandi greinum.

–      Framúrskarandi í mannlegum samskiptum og þjónustulund.

–      Almenn tölvukunnátta (samfélagsmiðlar, uppfærsla á heimasíðu ásamt greinargóðri þekkingu á ritvinnslu og töflureikni).

–      Hæfileiki til að tjá sig á íslensku og ensku í ræðu og riti.

 

Umsóknafrestur er til 14. október.

Viðkomandi þarf að geta hafið störf í síðasta lagi 15. nóvember.

 

Tæknistjóri Tjarnarbíós

Um er að ræða 50% starf. Tæknistjóri er umsjónaraðili með ljósa,- hljóð og kvikmyndabúnaði Tjarnarbíós. Viðkomandi þarf að sinna útleigu á listviðburðum hvað varðar kennslu á búnað ásamt því að fylgja eftir þeim reglum sem settar eru um notkun og meðferð tækja. Einnig að sinna tilfallandi störfum í samráði við framkvæmdastjóra Tjarnarbíós er varðar annarskonar útleigu en listviðburði.  Starfið er fjölbreytt og margþætt og hefur tæknistjóri yfirumsjón með skipulagningu æfinga/viðburða í sal og þjónustar fasta leigjendur húsnæðisins.

Vinnutími er breytilegur en starfið krefst oft óhefðbundins vinnutíma.

Hæfniskröfur:

–      Menntun og starfsreynsla sem nýtist í starfi.

–      Reynsla af hljóð- og ljósahönnun/stýringu.

–      Þekking á tæknibúnaði hússins en upplýsingar um hann má finna á www.tjarnarbio.is undir flipanum Um Tjarnarbíó.

–      Framúrskarandi í mannlegum samskiptum og þjónustulund.

–      Almenn tölvukunnátta.

 

Umsóknafrestur er til 21. október.

Viðkomandi þarf að geta hafið störf 15. nóvember 2013.

Umsóknir skulu sendar á tjarnarbio@leikhopar.is  Nánari upplýsingar veitir Gunnar Gunnsteinsson: leikhopar@leikhopar.is





Leave a Reply

Your email address will not be published. Required fields are marked *



Fréttir

Fréttir og tilkynningar úr starfi sjálfstæðra sviðslistahópa. Sendið okkur póst á leikhopar@leikhopar.is

Upptaka af kynningu á umsóknarkerfi Rannís 11. sept 2017

Upptaka af kynningu á umsóknarkerfi Rannís fyrir sviðslistir.  Tekið upp í Tjarnarbíói 11. september.  Ragnhildur Zoega sérfræðingur frá Rannís og Friðrik Friðriksson framkvæmdastjóri SL...

Viðmiðunartölur launa- og verkgreiðslna vegna umsókna til Leiklistarráðs 2017

Viðmiðunartölur launa- og verkgreiðslna vegna umsókna til Leiklistarráðs 2017

Hér er hægt er að sækja skjal með uppreiknuðum launa- og verkgreiðslum.  Allar launatölur hafa verið...

Kynning á umsóknarkerfi Rannís fyrir sviðslistir

 

Mánudaginn 11. september kl. 17.00 munu Ragnhildur Zoega sérfræðingur hjá Rannís og Friðrik Friðriksson framkvæmdarstjóri SL kynna umsóknarkerfi Rannís.  Ragnhildur mun fara yfir umsóknarkerfið...